InicioCultura(Vídeo) Delgado Gurriarán xa ten versión heavy metal da man dos vigueses...

(Vídeo) Delgado Gurriarán xa ten versión heavy metal da man dos vigueses Dioivo

O dúo puxo música ao poema do homenaxeado neste 17 de maio "Hai Sede na Nova Galicia", incluído no seu célebre poemario de 1963 Galicia Infinda.

PUBLICADO O

- Advertisement -

A banda viguesa de metal Dioivo vén de sacar unha nova canción titulada “Hai Sede na Nova Galicia”, na que poñen música ao poema homónimo do homenaxeado no día das Letras Galegas 2022 Florencio Delgado Gurriarán.

Este poema describe a saudade que o escritor valdeorrés sentía pola súa terra mentres estaba exiliado en México logo da Guerra Civil, e pertence a unha das súas principais obras, Galicia Infinda, editada por Galaxia en 1963. Para completar a homenaxe, o grupo acompañou a canción dun videoclip realizado por YOD Multimedia que xa pode verse na súa canle de Youtube.

Esta non é a primeira vez que Dioivo emprega a literatura galega na súa música, xa que o ano pasado conmemoraron o 50 aniversario da mítica novela Retorno a Tagen Ata cunha adaptación musical na que contaron con narracións do propio autor, Xosé Luís Méndez Ferrín. De feito, o grupo naceu poñendo música a Rosalía de Castro e o seu poema “Sempre pola Morte Esperas” para participar nun concurso organizado polo Concello de Vigo en febreiro de 2016.

Nesta ocasión optaron por homenaxear o autor elixido para o Día das Letras deste ano, que destacou polo seu fondo compromiso antifascista e co pobo galego.

O dúo vigués gravou este tema no estudio de DS Audio con Dany Soengas, coñecido músico de bandas viguesas como Atreides, Skydancer ou Lardelúa. Ademais, segundo explica Dioivo, son xa varios os concertos programados nos que poderán presentalo en directo. Os primeiros deles serán no Buril de Sarria xunto a Cruzeiro, Corteza Inhumana e Totengott o 13 de maio, e seguirán no Pub Transylvania de Vigo xunto a Bloodhunter o 10 de xuño.

A canción, polo momento só dispoñible en Youtube, estará axiña tamén no resto de plataformas dixitais, e supón un adianto do novo disco dos vigueses, que xa teñen un álbum e dous EP publicados.

ÚLTIMAS

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

A conexión mediante o Tren Celta a entre Vigo e O Porto volverá a funcionar a partir de decembro

O Eixo Atlántico informou de que o Tren Celta, que une as cidades de...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...