InicioCulturaDenuncian que as salas de ensaio de Vigosónico seguen pechadas para os...

Denuncian que as salas de ensaio de Vigosónico seguen pechadas para os grupos

Grupos de Vigo en Loita denuncia que se abriron pero só para actividades da Fundación Paideia.

PUBLICADO O

As bandas de Vigo seguen sen saber nada do día de apertura nin das condicións das salas de ensaio municipais, a pesar de que o alcalde de Vigo, Abel Caballero, comprometeuse a abrir as salas de ensaio de Vigosónico o día 25 de febreiro.

Dende Grupos de Vigo en Loita, o colectivo que abrangue ás bandas de Vigo que pulan pola reapertura do espazo, xa viñan denunciando nas últimas semanas a “nula información dada polo Concello ao respecto alén de compromisos verbais e nos medios que resultaron incumpridos”.

Pórén, as instalacións de Vigosónico xa están abertas, pero non para desenvolver a función que os grupos vigueses demandaban, senón para un curso orientado a empresas dado pola Fundación Paideia de Sandra Ortega.

Por iso, Grupos de Vigo en Loita denuncia “o oportunismo do Concello, que optou por facer o curso nas instalacións de Vigosónico para responder ao clamor popular por reabrilas, pero co mesmo interese nulo en poñer a funcionar as salas de ensaio públicas que leva tendo durante a última década”. Neste sentido, lembran que o peche indefinido de Vigosónico en 2020 non foi senón a continuación de outros peches de salas de ensaio públicas, como as da Casa da Xuventude ou as de Súbete ao Castro.

Por todo isto, varios membros da plataforma de grupos vigueses trasladouse a Vigosónico o día do comezo do curso para pendurar cartaces e faixas en protesta contra o que consideran un engano ás bandas da cidade. O colectivo esixe que abran inmediatamente as salas de ensaio nas circunstancias previas ao peche, e que haxa unha información inmediata por parte do Concello tanto publicamente como persoalmente a todos os grupos usuarios, esixindo que os mesmos recuperen as condicións das que dispuñan previamente.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...