Máis de 80 artistas divididos entre concertos, mercado, cinema e poesía. É a oferta do festival CICLIKa que este xoves comezou en Vigo.

E, como un petisco do que ofertarán, este xoves amosaron a performance principal do espazo Area Erina, un site specific de Cerámicas Xoubinha, o espazo de Sara García PELUQart. Todo con música de Fonkid e Viktor Flores por detrás para amenizar.

Neste festival haberá 30 proxectos de creadores do market, 50 músicos, poetas, ademais de cineastas e xestores culturais. Isto é só un avance do que poderás ver estes días.