InicioCulturaKiko Veneno fará escala en Vigo o 23 de outubro cun concerto...

Kiko Veneno fará escala en Vigo o 23 de outubro cun concerto entre clásicos e novas cancións

O músico actuará no Auditorio Mar de Vigo ás 21.00 horas, poucas semanas antes da publicación do seu novo traballo, do que xa avanzou en xuño “Helicrisum”.

PUBLICADO O

- Advertisement -

A xira do músico Kiko Veneno fará escala no Auditorio Mar de Vigo o vindeiro 23 de outubro, cunha actuación na que o artista interpretará os seus clásicos e os temas máis recentes, só unhas semanas antes de que vexa a luz o seu último traballo, aínda que xa en xuño se publicou un adianto, “Helicrisum”. Desde Teuticket destacaron que Kiko Veneno “ofrecerá un concerto marcado pola proximidade, a liberdade creativa e ese universo de cancións que o converteu nun artista difícil de encaixar”.

“E despois de tantos anos de versións, letras e ensaios, toda esa música tiña que acabar saíndo por algún lado. E saíulle disparada a Kiko polo oído esquerdo”, subliñaron, e engadiron que “así nace esta nova etapa de directo”, con “cancións espidas, próximas e feitas para seren tocadas en directo, recuperando esa esencia da música cando aínda está viva, cando aínda pode cambiar e cando cada concerto pode ser unha nova versión”.

Tamén apuntaron que, “como case todo no universo de Kiko Veneno, mellor se vai acompañado de amigos”. A traxectoria deste catalán de nacemento e andaluz de adopción convérteo nun artista imposible de catalogar, cunha linguaxe propia, e que transita entre o rock, o flamenco, a rumba, o pop e a canción de autor, “sempre cunha personalidade recoñecible e unha maneira moi particular de contar historias”. O 23 de outubro ás 21.00 horas, o Auditorio Mar de Vigo será o escenario dun concerto no que Kiko Veneno “dará vida a estas cancións que levan anos dando voltas na súa cabeza”.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...