As primeiras entradas para o concerto de David Guetta en Vigo esgotáronse en cuestión de minutos, despois de que decenas de persoas fixesen cola durante toda a noite para asegurarse un pase á platea do auditorio de Castrelos.
Tal como informou o alcalde, Abel Caballero, en oito minutos termináronse as 1.250 entradas que se vendían ‘en liña’, mentres que outras tantas presenciais tamén foron despachadas ao longo da mañá porque a xente que fixo cola durante máis de 12 horas.
Caballero asegurou que se rexistraron ata 120.000 dispositivos conectados ao mesmo tempo para tratar de conseguir entradas, polo que o Concello ten unha “excepcional perspectiva” do concerto.
Esta tarde, ás 16.30 horas, sairán ao mercado as últimas 2.500 entradas, a metade de forma presencial e a outra metade na web. O evento será o vindeiro domingo, día 20 de agosto.
