InicioCulturaMáis de 150 persoas traballaron na XX edición do Festival de Cans

Máis de 150 persoas traballaron na XX edición do Festival de Cans

Os promotores destacaron que a maioría das persoas contratadas pertencen á localidade do Porriño e moitas delas á aldea de Cans.

PUBLICADO O

A XX edición do Festival de Cans, que se celebrou no municipio pontevedrés do Porriño, rexistrou unha marca histórica de creación de emprego, alcanzando 151 altas laborais.

O evento, que concluíu este fin de semana, superou en máis dun 12% á da edición anterior, onde o certame xerou 134 empregos. Segundo ha destacada a organización, das 151 contratacións rexistradas, 74 altas foron empregos directos relacionados con áreas de produción, merchandising, transporte e traballo en barras.

Ademais, 20 empregos foron servizos especializados de autónomos en áreas como comunicación, fotografía, vídeo, deseño gráfico, redes sociais ou programación. Tamén se crearon 57 postos laborais que foron contratacións indirectas de empresas que prestaron servizos no marco da celebración do festival, como a limpeza e hixiene, seguridade privada, montaxe e desmonte de carpas e equipos de loxística.

Os promotores destacaron que a maioría das persoas contratadas pertencen á localidade do Porriño e moitas delas á aldea de Cans. Así, subliñaron que “houbo un gran número de mozos que asinaron o seu primeiro contrato laboral” e que unha parte das contratacións provén de municipios próximos, como Mos, Salceda de Caselas ou Ponteareas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...