En Salvaterra “cheira a viño, cheira a condado”. Empeza a conta atrás para os actos conmemorativos da LIX Festa do Viño do Condado do Tea, unha semana enteira onde se lle rende tributo a un produto moi importante para o municipio.

Nesta edición participarán 28 adegas, que achegarán a Salvaterra e a todos aqueles que decidan visitala, no último fin de semana de agosto, máis de medio centenar de viños.

As actividades arrancan o próximo luns, martes e mércores cos cursos e catas comentadas, onde o eixo central será o propio viño. O luns 20, coa cata comentada de viños brancos da Denominación de Orixe Rías Baixas, o martes 21, coa cata comentada de viños Brandos das diferentes Denominacións de Orixe Galegas, e o mércores 22, coa cata comentada de Viños Brancos e Tintos da Subzona do Condado do Tea.

O Venres 24 terá lugar a inauguración oficial da festa, e a partires dese momento todos aqueles que o desexen “poden desfrutar destes caldos nun enclave privilexiado como é o Recinto Amurallado de Salvaterra, e sobre todo das súas noites gastronómicas, onde se mestura cultura, historia, música, gastronomía e lecer, algo que fai que esta festa, a Festa do Viño do Condado do Tea, sexa única”, conclúen desde a organización.