Un traballador faleceu na mañá deste martes no municipio pontevedrés de Salvaterra de Miño, tras caer no interior dunha formigoneira que estaba a limpar.

Segundo a información do 112 Galicia, foi necesario mobilizar os Bombeiros de Baixo Miño para liberar ao operario, que quedara atrapado no interior da cuba. Así mesmo, tamén se desprazou un equipo sanitario do 061, que só puido certificar a morte do home.