InicioCulturaA banda de música de Arbo celebra 25 anos cheos de melodías

A banda de música de Arbo celebra 25 anos cheos de melodías

A súa presentación oficial aconteceu en 1994, na festa local da lamprea.

PUBLICADO O

A banda de música de Arbo, que celebra agora o seu 25 aniversario, fundouse en 1991, despois de case 50 anos desaparecida, por iniciativa do entón alcalde, Manuel Rivera, coa colaboración dos mestres Ignacio, Manuel González (Lito), Joaquín e Antonio.

É no ano 1993, coa chegada de Víctor Fernández Nogueiras e Jesús Iglesias, cando a escola da Banda de Música de Arbo toma o impulso necesario para, en abril de 1994, facer a súa presentación oficial na Festa da Lamprea.

A partir de aí, os éxitos sucédense e, en 1999 consegue dar a sorpresa en Valencia ao lograr o Primeiro Premio e Mención de Honra no Certame Internacional desta localidade, sendo a primeira banda de fóra da Comunidade Valenciana en conseguir este afamado galardón. Desde o 2011, o profesor Cesar Portela é o encargado de dirixir a Banda e a Escola de música.

Arbo celebrará o aniversario dunha das agrupacións musicais máis importantes que ten, cunha serie de homenaxes que finalizarán cun gran concerto final o día 11 de maio, unha recompensa ao gran traballo realizado por esta exitosa banda. Tamén será un recoñecemento á Banda Infantil que conta xa con máis de 15 músicos.

A actual directiva decidiu crear hai algúns anos unha formación específica para que os máis pequenos desta organización, algúns con menos dun ano na escola e outros con máis experiencia, comecen a tomar contacto co público e se animen a seguir como integrantes da banda, que xa ten ás súas costas unha historia chea de galardóns e recoñecementos polo seu excelente labor.

O alcalde de Arbo, Horacio Gil, expresou a súa satisfacción a través dunha felicitación na que expresa a súa alegría xa que “nestes tempos que corren, a Banda de Música de Arbo, xunto coa Banda Infantil, seguen estando presentes na práctica totalidade de actos lúdico-festivos que se organizan en Arbo, sendo por exemplo en Santa Cecilia ou no Concerto de Nadal cando o seu traballo faise máis visible, sen esquecer os espléndidos concertos dos máis novos da agrupación, no auditorio, en grandes datas, sempre amenizando aos veciños e visitantes”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...