InicioCondado-ParadantaA CañizaTres accidentes na Cañiza, dous deles no mesmo punto

Tres accidentes na Cañiza, dous deles no mesmo punto

PUBLICADO O

O 112 avisou este xoves tres accidentes, ocorridos no municipio da Cañiza, dous deles no mesmo punto.

A primeira intervención produciuse sobre as 16,30 horas, cando o CIAE recibiu un aviso por un accidente ocorrido no quilómetro 271 da A-52. A persoa que alertou a Emerxencias explicou que un coche impactara contra a barreira ‘varanda’.

Pouco despois, o propio condutor implicado no sinistro contactaba con Emerxencias a través do sistema de aviso E-Call do seu vehículo e confirmaba que necesitaba asistencia sanitaria, aínda que podía saír do coche polo seu propio pé.

Neste operativo participaron efectivos de Urxencias Sanitarias-061, da Policía Local da Cañiza, e persoal de mantemento da vía.

Dez minutos máis tarde, chegou ao 112 outro aviso por accidente no mesmo punto da autovía, nesa ocasión con varios vehículos implicados. O CIAE mobilizou ao 061, a Garda Civil de Tráfico e servizo de mantemento da autovía.

Finalmente, o 112 informou doutro accidente, tamén á primeira hora da tarde, na aldea de Randufe, igualmente no concello da Cañiza. Neste caso tratouse dunha saída de vía, no lugar das Achas, e o vehículo sinistrado quedou suspendido nun desnivel.

A propia condutora contactou con Emerxencias e explicou que, aínda que podía saír do coche, prefería non facelo ante o risco de desestabilizalo. Á chegada do servizo de rescate, a muller puido saír do vehículo polos seus propios medios.

Neste accidente mobilizouse ao 061, Garda Civil de Tráfico, o GES de Ponteareas (que non chegou a intervir) e a Policía Local da Cañiza.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...