Un home resultou ferido grave tras ser atacado por un xabaril e outros dous resultaron feridos leves en Ponteareas.
Segundo fontes consultadas por Xornal de Vigo, o accidente tivo lugar na mañá deste martes cando uns veciños vironse sorprendidos por un xabaril “fóra de control” que os atacou.
Como consecuencia do ataque un home resultou gravemente ferido no peito e nun brazo. O resto dos seus compañeiros tiveron que fuxir ante a ferocidade do ataque do animal, aínda que dous quedaron tamén feridos leves.
