InicioEconomíaTui, entre as cidades máis escollidas para iniciar o Camiño de Santiago

Tui, entre as cidades máis escollidas para iniciar o Camiño de Santiago

Nela emprenderon o Camiño Portugués o 35% dos 14.805 peregrinos e peregrinas.

PUBLICADO O

Os datos publicados pola Oficina do Peregrino da Catedral de Santiago correspondentes ao pasado mes de setembro sitúan de novo a cidade de Tui nos primeiros lugares escollidos polos peregrinos xacobeos para iniciar o seu Camiño cara a tumba do apóstolo Santiago.

En concreto, un total de 5.255 peregrinos escolleron Tui para iniciar a súa peregrinación, un 35% dos 14.805 peregrinos que realizaron o Camiño Portugués o pasado mes de setembro. Así, Tui unicamente foi superada pola localidade lucense de Sarria, no
Camiño Francés, con máis de vinte mil peregrinos, e pola cidade portuguesa de Porto, onde comezaron o Camiño un total de 5.736 peregrinos.

“Cabe sinalar que se a Tui sumamos os datos de Valença, que con 1.854 peregrinos ocupa a sexta posición como lugar de inicio da peregrinación xacobea, teriamos que na Eurocidade Tui-Valença iniciaron o Camiño de Santiago un total de 7.109 peregrinos no pasado mes de setembro”, sinala o Concello de Tui, que asegura que o “dinamismo” do Camiño Portugués, que ten a súa porta de entrada en Galicia en Tui, queda acreditado polas 14.805 persoas que realizaron este itinerario. 

O alcalde de Tui, Enrique Cabaleiro, expresa a súa “satisfacción” por estes datos, que “confirman a importancia que a nosa cidade ten no ámbito xacobeo”. “Esta achega dos peregrinos e peregrinas resulta de gran importancia para Tui porque contribúe ao desenvolvemento socio-económico do noso concello e converte a cidade en referencia obrigada”, sentenza.

ÚLTIMAS

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...

Máis de 30 marcas de coches reuniranse na 33ª edición do Salón do Automóbil, que arrinca o mércores

Máis de 30 marcas de coches e 15 de motocicletas reuniranse na 33ª edición...

Decretado o ingreso en prisión do home detido pola súa suposta vinculación co crime da maleta

O maxistrado do xulgado de instrución número 4 de Vigo acordou este venres o...