Co fin de celebrar os últimos logros da AD Tomiño e o traballo realizado polo deporte base durante toda a tempada, o Concello ofreceu esta semana unha recepción oficial aos equipos que forman a asociación: Infantís, Xuvenís, Fútbol 7 feminino…
Hai uns días a AD Tomiño, remataba as copas disputadas facéndose coa vitoria o equipo xuvenil e resultando sub-campión o equipo infantil. O Fútbol 7 feminino pola súa parte, fíxose co primeiro posto da liga na súa categoría.
Nas redes sociais, a directiva amosaba a súa satisfacción do gran traballo feito durante a tempada. E a Concellería de Deportes de Tomiño quixo tamén, dar os parabéns a todos os integrantes da asociación, destacando a súa labor polo deporte de base.
