Galifornia Beat é un evento multicultural que terá lugar os días 3 e 4 de agosto de 2018 nas pistas deportivas e arredores do Porto da Guarda, cunha superficie total de 30.000 metros cuadrados.
Para a Concelleira de Cultura, Elena Baz, o Galifornia é un evento que ben merece o apoio
do Concello, non só pola gran cantidade de público asistente, “senón pola variedade de
actividades e disciplinas deportivas, conxugadas con arte urbano e outras manifestacións
artísticas”.
Este festival conxuga verán, deporte, arte e música; contando cunha extensa programación de actividades coma sesión vermouth, concertos, graffitis, break dance, market place e moito máis.
actúan os vigueses kings of the beach
No apartado musical o IV Galifornia Beat contará coas actuacións dos grupos
Belgrado (Córdoba), Kings of the Beach(Vigo), Fuzzil(Portugal), Glitter & Litter(Pontevedra), Milhomes(A Guarda), Los Lombardi(Portonovo) e Crema(Gijón).
A organización do evento destaca tamén o WS Skateboard School, unha escola de skate para nenos e de balde, onde os máis pequenos poderán aprender este deporte da man de profesionais.
Tamén o BikeTrial, con deportistas que virán dende Santiago de Compostela a competir ou o Open de S.K.A.T.E., onde os trucos e acrobacias serán os protagonistas. E, coma novidade, a “Batalla de Gallos”.
