InicioPolíticaO PP asume a alcaldía da Guarda, en mans socialistas desde 2007,...

O PP asume a alcaldía da Guarda, en mans socialistas desde 2007, ao non sumar votos suficientes a esquerda

PUBLICADO O

O candidato do PP, o avogado Roberto Álvarez Carrero, foi investido este sábado alcalde da Guarda, como cabeza da lista máis votada, ao non ser posible un acordo de maioría absoluta pola esquerda.

Así, na sesión plenaria extraordinaria, cada un dos grupos votou ao seu candidato, de maneira que a lista máis votada nas municipais, o PP con 9 concelleiros (de 17 posibles), alzouse coa alcaldía.

Nos pasados comicios do 28 de maio, o PP quedou a un edil da maioría absoluta, ao pasar de 6 a 8 concelleiros; mentres que o BNG mantivo 5 e o PSOE baixou de 5 a 3. Así mesmo, Celso Rodríguez Fariñas, candidato por Espazo Común (aínda que veterano na corporación con distintos partidos), obtivo unha acta.

Neste escenario, unha investidura dun alcalde ou alcaldesa de esquerdas pasaba polo que fixese Espazo Común, pero o BNG xa adiantou que non chegaría nunca a ningún acordo con Rodríguez Fariñas, un “individuo afeito ás canalladas” e que “non ten credibilidade para negociar”.

Por iso, o resultado do pleno do sábado foi o esperado: gobernará, en minoría, a lista máis votada, a do PP, que recupera a alcaldía da Guarda, en mans socialistas desde 2007.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...