InicioSociedadeA educación en diversidade e un 'Serán de Fantasía' centran o programa...

A educación en diversidade e un ‘Serán de Fantasía’ centran o programa ‘Tui con orgullo’

Iluminarase o palco da música da Corredoira coas cores do arco da vella e colocarase a bandeira deste colectivo na casa do concello.

PUBLICADO O

Celebrar a diversidade e reivindicar unha sociedade máis xusta é o obxectivo do programa de actividades ‘Tui con orgullo’ que por terceiro ano consecutivo se vai celebrar organizado pola Concellería de Igualdade. As actividade comezaron o pasado 17 de xuño e vanse prolongar ata o venres 1 de xuño.

Dende o próximo luns e para visibilizar ‘Tui con orgullo’ colgarase da casa do Concello a bandeira LGBT, ao tempo que o palco da música no Paseo da Corredoira se iluminará coas cores do arco da vella. O martes 28 de xuño, Día do Orgullo, difundirase na web municipal e nas redes sociais municipais un manifesto.

O xoves, 30 de xuño, ás 20.30 h na Aula da UNED terá lugar a charla en aberto “Educando para o século XXI. Abrazando a diversidade” a cargo de Ana Ojea Alonso, profesora de Secundaria, titora LGBTIQA+ e coordinadora do programa de Atención á Diversidade Sexual, de Identidade de Xénero e Familiar dende o curso 2016/17 no IES Politécnico de Vigo. A poñente é tamén cofundadora e coordinadora da asociación Rede Educativa de Apoio LGBTIQ+ de Galicia e formadora de profesorado.

Xa o venres, 1 de xullo, ás 20.30 h, no Paseo da Corredoira terá lugar o “Serán de Fantasía”. Este acto comezará co espectáculo “A drag pandereteira” a cargo de Meiga-I, que creará unha auténtica fantasía galega, pondo en valor a diversidade e a cultura propia, nunha performance na que fusiona o folk galego coa disciplina drag. A continuación ás 21.30 h, actuará a Big Band formada polo alumnado do Conservatorio Profesional de Música de Tui, que se suman a esta celebración da diversidade. 

Este programa de actividades “Tui con orgullo” comezou o pasado venres, 17 de xuño, no IES San Paio cun encontro do alumnado do centro con Nee Barros Fernández. A través da súa obra “Identidade”, Nee Barros abordou o tema da identidade de xénero dun xeito moi persoal e cunha linguaxe quen de chegar ao público máis mozo. Con esta actividade deuse visibilidade á realidade das persoas trans e dos abusos que padecen.

A participación en todas elas é de balde ata completar o aforo, sen que sexa precisa inscrición previa. Recoméndase asistir con 10 minutos de antelación. As persoas interesadas poden acadar máis información na web municipal tui.gal ou no correo igualdade@tui.gal.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...