O Servizo de Gardacostas de Galicia acudiu a pasada madrugada a 75 millas de Vigo para evacuar a unha pasaxeira do cruceiro ‘Spirit of Adventure’ que se atopaba indisposta.

Segundo informou o servizo de emerxencias, ata o lugar desprazouse o helicóptero Pesca 1, que trasladou á muller ata o aeroporto vigués de Peinador.

Xa no aeródromo da cidade olívica, foi recollida por unha ambulancia que a trasladou ata o centro hospitalario, onde recibiu asistencia sanitaria.