A maxistrada do Xulgado de Violencia sobre a Muller de Vigo decretou a posta en liberdade do home detido este pasado xoves por presuntamente tentar atropelar á súa exparella na parrroquia olívica de Zamáns.
Segundo fontes xudiciais, ao home impúxoselle unha orde de protección respecto da muller e aos fillos desta, que inclúe a prohibición de comunicrse e de aproximarse a eles.
O home está investigado por un intento de homicidio despois de que tentase atropelar á súa exparella este xoves en Zamáns.
Segundo fontes consultadas por Europa Press, o acusado acabaría estrelando o seu coche contra a casa da vítima, sen que ninguén resultase ferido.
Por todo iso, foi detido, pasando este venres a disposición xudicial nos tribunais de Vigo, que decretaron a súa posta en liberdade a pesar de estar investigado por intento de homicidio.
