Suspendido o xuízo previsto para este martes no Xulgado do Penal número 1 de Vigo contra un do seis empresarios acusados de emitir facturas ficticias por valor de case 1,2 millóns de euros.
Segundo o escrito fiscal, os feitos remóntanse aos anos 2016 e 2017, momento no que os seis empresarios supostamente emitiron facturas ficticias por servizos de compravenda, exportación e importación de material informático e servizos de telecomunicacións.
Este martes, 10 de xaneiro, tiña previsto sentar no banco o primeiro dos acusados, ao que se lle imputa un delito continuado de falsidade en documento mercantil ao presuntamente emitir facturas ficticias por valor duns 128.000 euros, aínda que finalmente non o fixo.
O Ministerio Fiscal solicita para el un ano e nove meses de prisión, ademais de noves meses de multa cunha cota de seis euros por día e a responsabilidade persoal subsidiaria por falta de pagamento en legal forma.
Para o resto de acusados, a Fiscalía pide penas de entre seis meses e dous anos e seis meses de prisión, multas de entre 1.000 e 4.000 euros, así como a responsabilidade persoal subsidiaria por falta de pagamento en legal forma.
