O Clúster Tecnolóxico Empresarial das Ciencias da Vida entregará o vindeiro venres, 20 de xaneiro, no Círculo de Empresarios de Galicia situado na cidade de Vigo, ás 12,00 horas, os galardóns que recoñecen ás mellores firmas do ecosistema biotecnológico da comunidade galega en 2022, os Premios Bioga, que este ano viven a súa décima edición.
Segundo informou o Clúster Tecnolóxico Empresarial das Ciencias da Vida nun comunicado, un total de 21 empresas optan a gañar uns galardóns que foron creados co obxectivo de “incentivar o impulso e desenvolvemento de iniciativas empresariais vinculadas á biotecnoloxía en Galicia, así como para recoñecer ás empresas máis competitivas e innovadoras do sector”.
Trátase dunha iniciativa, que conta co respaldo da Administración autonómica, a través da Axencia Galega de Innovación, reunirá a todo o ecosistema biotecnológico galego.
Nesta nova edición, ademais dos premios Bioempresa Xove, para as firmas de recente creación que dan os seus primeiros pasos; Bioempresa Innovadora e Bioempresa Competitiva, modalidades que premian ás compañías que apostan pola innovación e que se consolidaron como modelos de éxito por algún dos seus fitos; incorpórase a categoría Bioidea Empresarial, que recoñecerá ás iniciativas e proxectos “máis incipientes”.
