Trala súa vitoria por dous goles a cero ao Atlético de Madrid en Balaídos, os celestes atópanse cunha recompensa engadida. Por fin, 10 anos despois, supérase ao Deportivo da Coruña na clasificación histórica da Liga.

Son 1.845 puntos do Celta por 1.843 dos da Coruña. O Dépor levaba desde agosto de 2008  por diante, pero baixar a segunda provocou este adiantamento feliz para os vigueses.

Así, o Celta xa é o 11º equipo histórico da Liga. Mais, co seu bo estado de forma, seguro que os seus xogadores agardan quedar moito máis arriba nesta tempada. Polo momento, está en postos de Champions.