A xerente da Universidade de Vigo (UVigo), Yolanda Lesmes, presentou este luns, durante a última sesión do ano do Claustro desta entidade, as liñas xerais do orzamento que a institución viguesa terá para 2023, cantidade que por primeira vez superará os 200 millóns de euros ata chegar aos 227.915.618 euros, un 14,7% máis que no exercicio anterior.
Segundo informou o Diario Oficial da UVigo (DUVI), este incremento vén derivado da firma do novo plan de financiamiento do Sistema universitario de Galicia (PFSUG) e do incremento na captación de fondos debido ás novas convocatorias para a investigación e dos fondos do Mecanismo para a Recuperación e a Resiliencia (MRR).
Na sesión do Claustro da UVigo, a primeira en formato 100% presencial tras a irrupción do coronavirus, o reitor da universidade, Manuel Reigosa, tamén presentou o informe anual da institución viguesa.
Así mesmo, aprobouse o informe preceptivo sobre a proposta de creación do Instituto de Agroecología e Alimentación. Ademais, presentouse o informe anual da Valedora Universitaria e o informe de seguimento e avaliación anual do Plan Estratéxico da UVigo, entre outros temas.
