O alcalde de Vigo, Abel Caballero, asegurou que a cidade superou en novembro o 65% de ocupación hoteleira media, o que supón a cifra máis alta de toda a serie histórica nese mes.
Sempre segundo cifras do rexedor, en novembro superouse a marca de visitantes no devandito mes, que ata a data ostentaba novembro de 2019, cun 59% de ocupación. Todo iso a pesar de tratarse dun mes “practicamente nulo” en turismo, anos atrás.
En novembro, case o 60% dos visitantes que se hospedaron na cidade procedían do resto de España, mentres que un 19% eran galegos e a cifra de internacionais roldou o 12%, con Portugal á cabeza. Caballero puxo en valor a importancia do Nadal para lograr estes datos. Ademais, volveu a subliñar que esta semana e a próxima, Vigo colgará o cartel de completo.
