As fortes choivas rexistradas na cidade de Vigo nos últimos días provocaron o desprendemento dun muro no barrio de Castrelos, que obrigou a pechar a rúa Subida á Costa mentres se traballa nos labores de limpeza.

Segundo fontes da Policía Local consultadas por Europa Press, serían as abundantes precipitacións producidas na urbe olívica as causantes da caída dun muro de terra na mañá deste xoves, precipitándose sobre a calzada sen causar máis danos.

A tal hora continúan os labores de limpeza na zona, para tratar de restablecer o tráfico pola vía.

ESCALA DE CRUCEIRO POR MAL TEMPO

Por outra banda, o mal tempo obrigará ao cruceiro Amera, operado por Phoenix Reisen, ha realizar unha escala non prevista en Vigo na tarde deste xoves.

Tal como informou o Porto de Vigo, este buque chegará á cidade sobre as 17,00 horas procedente de Funchal (Portugal) e permanecerá atracado na Estación Marítica ata mañá venres, que partirá sobre as 18,00 horas, pondo rumbo a Ijmuidem (Países Baixos).

O barco, consignado por Pérez & Cía, traerá a bordo 546 pasaxeiros e 368 tripulantes.