Unha muller foi evacuada no helicóptero de Urxencias Sanitarias 061 ata un hospital ao resultar ferida despois de sufrir unha caída desde un muro situado nas inmediacións da súa casa en Mondariz.

O suceso produciuse ao redor das 12,45 horas deste xoves no lugar de Carballal, parroquia de Riofrío, segundo trasladou o CIAE 112 Galicia, que recibiu a chamada dun familiar da vítima alertando do sucedido.

A muller sufriu a caída cando trataba de sacar unhas herbas dun muro pegado á súa casa. A aeronave do 061 con base en Ourense mobilizouse ata o lugar para recoller á ferida e proceder ao seu traslado a un hospital.