Un home, J.O.T.A. de Vigo e 49 anos de idade, foi detido pasadas as 03,30 horas da madrugada deste venres na cidade tras supostamente agredir de forma reiterada á súa muller.

Tal como informou a Policía Local, foi a propia vítima a que alertou aos axentes, asegurando que a súa parella a agrediu no domicilio conxugal. Ela mesma explicou que o seu marido a empurrou, tiroulle do pelo e deulle un lapote no peito.

Ademais, indicou que estas situacións se repetían nos últimos meses, debido á mala situación económica que atravesaban.

Tras avisar á ambulancia para atender a muller, procedeuse á detención do home como presunto autor dun delito de violencia de xénero.