Un home, de Moaña e 44 anos de idade, foi detido na madrugada deste pasado martes tras supostamente dar unha puñada á súa parella en plena rúa e tirala ao chan, o que lle provocou lesións no cóbado.

Tal como informou a Policía Local, os feitos ocorreron sobre as 04,10 horas, cando un cidadán alertou aos axentes de que na rúa Barcelona un home estaba a agredir a unha muller.

Unha vez no lugar, a vítima, “moi nerviosa”, indicou que tivera unha discusión coa súa parella por problemas de alcol, durante a cal el lle propinou unha puñada no pómulo dereito e a tirou ao chan.

Con todo, o home negou os feitos e asegurou que a muller, de nacionalidade colombiana, caeu ao tropezar. A pesar diso, foi detido pola suposta comisión dun delito de violencia de xénero.