O presidente de Lotarías e Apostas do Estado, Jesús Huerta, e o delegado do Estado na Zona Franca de Vigo, David Regades, presentaron este xoves o décimo da Lotaría Nacional do próximo xoves 29 de setembro, que estará dedicado ao 75 aniversario do Consorcio vigués.
Tal como informaron ambas as organizacións nun comunicado conxunto, o décimo do devandito sorteo estará ilustrado con seis imaxes dos parques empresariais que conforman a Zona Franca: Bouzas, Porto do Molle, Plisan, A Granxa, Balaídos e PTL de Valladares.
“Con este décimo, Lotarías consolida o seu compromiso coas institucións e entidades que formar parte do Estado e que impulsan o progreso socioeconómico”, reivindicaron, polo que se porán á venda un total de seis millóns de décimos en toda España. Así, repartiranse 12,6 millóns de euros en premios, entre os que se atopan un primeiro premio de 300.000 euros á serie e un segundo de 60.000 euros á serie.
