O comité de Folga (CIG e UGT) dos Axentes Ambientais e Forestais de Galicia, en paro indefinido dende o pasado 1 de agosto, está a manifestarse desde as 19:00 en Vigo, cun percorido que remata xunto á estatua de Xulio Venre. Están presentes o portavoz de En Marea, Luís Villares, e mais o do PSdG, Gonzalo Caballero.
Os forestais, ademais de esixir unha mellora das súas condicións de traballo, acusan á Xunta de non poñer en marcha o plan forestal: “Nunca apostou por unha política forestal clara e decidida de valorización do monte, do medio rural e do medio natural no seu conxunto, nin é un bo exemplo de xestión dos montes públicos e dos conveniados con Comunidades de Montes”.
Ademais, lamentan que o organismo público presidido por Feijóo “non axuda á dinamización das Comunidades de Montes menos desenvolvidas, nin promove a concentración e a xestión conxunta dos minifundios da propiedade privada forestal, nin actúa de oficio no establecemento de medidas de prevención contra os incendios forestais para a protección dos núcleos de poboación”.
