O alcalde de Vigo, Abel Caballero, enviou unha carta ao novo presidente da Xunta de Galicia, Alfonso Rueda, onde lle solicita unha reunón con el para tratar diferentes temas que afectan á cidade e para que o Goberno galego “deixe de marxinar e danar” a urbe.

Caballero explicou que foi no acto de entrega da Medalla de Ouro do Círculo de Empresarios de Galicia a Jaime Borrás Sanjurjo cando Caballero lle tendeu a man a Rueda e este último fixo o mesmo para tratar de traballar xuntos polo ben da cidade.

Neste sentido, o alcalde pediu un “cambio de rumbo” ao Executivo galego, para que preste máis atención a Vigo e satisfaga a “débeda histórica” coa cidade, xa que Caballero reclama máis de 2.000 millóns de euros.

Por iso, na carta solicita ao presidente da Xunta que pacte unha entrevista con el sobre temas que Caballero leva reiterando nos últimos meses, como o abastecemento de auga á cidade. “É a ocasión de que este novo presidente vire e empece a tratar Vigo como se merece”, sentenciou.