Un peregrino de fala inglesa foi evacuado na mañá deste mércores a un centro sanitario para recibir asistencia despois de caer nun mato no municipio pontevedrés da Guarda.
Segundo informou o 112 Galicia, pouco antes das 11,00 horas deste mércores. O ferido presentaba lesións de “escasa importancia”, indicaron as mesmas fontes de emerxencias, pero unha ambulancia de Urxencias Sanitarias de Galicia-061 acudiu ao lugar para prestar os primeiros coidados.
Foi o propio afectado quen chamou ao 112 Galicia e serviuse dun sistema de tradución simultánea para explicar “con claridade”, indican as mesmas fontes, o tipo de axuda que necesitaba.
Ao lugar o 061 enviou unha ambulancia de soporte vital básico que, confirmaron a Europa Press fontes sanitarias, trasladou ao ferido, W.R.R., de 63 anos de idade, ao centro de Atención Primaria da Guarda.
