O alcalde de Vigo, Abel Caballero, anunciou este luns que a Xerencia de Urbanismo aprobará en próximas horas “unha actuación” que permitirá a ampliación do viario no ámbito do Barrio do Cura, de maneira que se ampliarán espazos públicos en varias rúas.

Segundo sinalou o rexedor nunhas declaracións remitidas aos medios, este ámbito urbanístico xa prevé chan dotacional, zonas verdes, un aparcadoiro público ou dous ascensores, entre outros espazos, e agora poderase ampliar o viario nas rúas Santa Marta, Llorente E Pi e Margall, en algo máis de 700 metros cadrados.

Trátase, con todo, dun paso previsto na materialización deste ámbito e que supón a aceptación da “normalización” das leiras.