O vicepresidente primeiro, Francisco Conde, acusou á ministra de Industria, Comercio e Turismo, Reyes Maroto, de tratar de “desviar a atención” para “non falar” de que a factoría viguesa do grupo Stellantis está “fóra” do Perte de automoción.

Cuestionado este luns nun acto en Santiago polas declaracións de Maroto nas que sinalou que Galicia podería ser unha das comunidades susceptibles de recibir fondos do Perte de microchips, Conde instou á ministra de “falar” sobre o plan para a automoción que “deixa fóra” á factoría viguesa.

Para o número dous do Goberno galego, a ministra trata de “desviar a atención a outros proxectos que agora non son unha realidade”, en referencia ao Perte de microchips aprobado a finais de maio polo Goberno e pendente de desenvolver.

“O que pedimos ao ministerio é que concrete cal é a súa proposta para Stellantis, que concrete que criterios usou para que non poida desenvolver os novos modelos”, aseverou Conde, que acusou ao Executivo de xerar unha situación de “desiguladad de condicións” para acceder aos fondos do Perte de automoción.

Segundo o vicepresidente e responsable da área económica do Goberno galego, o Ministerio de Industria “estableceu uns criterios ‘ah hoc’ que deixan fóra a Stellantis” destes fondos, polo que pediu a Maroto que “concrete cal vai ser o marco de apoio” á factoría “que lidera a produción de automóbiles” en España.