O próximo martes de Entroido, festivo local en Tui, virá acompañado de música. A Orquestra Miramar actuará na rúa Compostela a partir das 19 h para amenizar a tarde festiva. Non haberá, iso si, o tradicional desfile de Entroido “debido á covid e tras as reunións mantidas coas comparsas participantes noutras edicións”, segundo indica o Concello.

Con todo, animan a veciñanza a “disfrazarse e a gozar do espectáculo da orquestra Miramar, tendo en conta as medidas de seguridade fronte á covid”. Tamén informan que non poderá estanciarse dende o luns pola noite e durante a xornada do martes no tramo comprendido entre a
rúa Ourense e a rúa Mondoñedo, posto que será aí onde se sitúe a orquestra.