Investigadores da Universidade de Vigo (UVigo) lideran un estudo que identificou por primeira vez na Península Ibérica a presenza de dúas familias de libélulas do Xurásico-Cretácico.

Tal como publicou este luns o Diario Oficial da Universidade de Vigo (Duvi), un grupo de investigadores españois, franceses e alemáns, liderados pola UVigo, identificou a presenza destes insectos na localidade das Loras, situada entre as provincias de Palencia e Burgos, grazas ao seu ecosistema con humidade permanente.

“Atopar a presenza de libélulas das familias Cymatophlebiidae e Aktassiidae en afloramientos de travertinos (rocas sedimentarias) do Geoparque das Loras foi unha sorpresa moi grande e inesperada”, subliñou o investigador do departamento de Xeociencias mariñas e ordenación do territorio da UVigo Artai Santos.

A localización de tres ás de libélulas de dúas familias ata agora descoñecidas na Península Ibérica non foi o único descubrimento, xa que tamén se observou unha flora dominada por Bennettitales e a presenza de helechos que se diferenzas doutras floras da mesma idade e zona xeográfica.