InicioSociedadeXulgan por extorsión a un garda que lle pediu un reloxio de...

Xulgan por extorsión a un garda que lle pediu un reloxio de 2.900 euros a un empresario

O axente cambiou logo o reloxio por cartos.

PUBLICADO O

- Advertisement -

A sección segunda da Audiencia Provincial de Pontevedra xulga este martes, 15 de febreiro, a un garda civil do posto de Tui para o que Fiscalía pide cinco anos e tres meses por supostos delitos de extorsión e suborno.

Segundo o escrito de acusación, o axente estableceu en 2015 unha relación persoal cun empresario, dono dunha empresa de camións, debido a que o acusado participaba en controis de inspección de documentación de vehículos de transporte de hidrocarburos.

Así, en decembro de 2015, “con ánimo de obter un indebido beneficio económico”, o garda civil esixiulle ao empresario que lle regalase un reloxo de alta gama –marca Baume– para “evitar” controis e inspeccións cos que “entorpecer” a actividade da empresa.

O 16 de decembro de 2015, ambos dirixíronse a unha xoiaría do Centro Comercial Alvarinho, en Valença do Miño (Portugal), onde o empresario comprou un reloxo por un prezo de 2.900 euros e regaloullo ao axente ante “o temor fundado a sufrir represalias” debido á súa competencia en materia de supervisión.

O fiscal indica que a factura de compra realizouse a nome do acusado, quen dous días despois regresou á xoiaría, onde devolveu o reloxo e quedou cos 2.900 euros que o xoieiro lle reintegrou.

Igualmente, pídese para o acusado a suspensión de emprego e cargo público como funcionario durante o tempo da condena. Ademais, demándase unha indemnización de 2.900 euros para a vítima.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...