InicioSucesosDenunciados varios condutores por participar nunha carreira ilegal en Salceda

Denunciados varios condutores por participar nunha carreira ilegal en Salceda

A convocatoria fíxose través de redes sociais.

PUBLICADO O

- Advertisement -

Axentes da Garda Civil denunciaron varios condutores que participaron nunha carreira ilegal no concello de Salceda de Caselas, tras unha ‘quedada’ realizada a través de redes sociais.

Segundo informaron fontes policiais, axentes do GIAT do Subsector de Tráfico de Pontevedra, coa colaboración de patrullas de Seguridade Cidadá e da Policía Local de Salceda sorprenderon na madrugada do pasado venres a varios condutores realizando carreiras ilegais nas proximidades dun campo de fútbol en Salceda, onde tamén se congregou numeroso público.

Á chegada dos axentes, varios dos participantes trataron de fuxir do lugar, pero foron identificados a maioría deles.

Segundo apuntou a Garda Civil, esta zona apartada de Salceda foi escenario outras veces de carreiras ilegais de vehículos. Trátase de viarios que se atopan ao redor dun campo de fútbol, trazando unha ruta circular, onde os participantes practican unha condución extrema e temeraria.

Así, superan a velocidade máxima permitida, fan ‘trompos’ e derrapes, actuando con gran risco para eles mesmos e para o resto de persoas que presencian as carreiras.

Ademais, preto da zona hai vivendas, e os veciños expresaron en varias ocasións o seu malestar polo ruído e as molestias que se xeran con esta actividade.

Tras as identificacións, a Garda Civil tramita varias denuncias administrativas por condución temeraria. Os expedientes poden acabar coa detracción de ata 6 puntos do permiso de condución e multas de ata 500 euros.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...