Un home de 30 anos foi detido nunha zona de copas en Vigo por comportarse de forma agresiva coa Policía, negarse a identificarse e tirarlle a un axente na cara a súa carteira. Tal como informou a Policía Local, os feitos ocorreron na rúa Inés Pérez de Ceta sobre as 03,15 horas o pasado domingo, 30 de xaneiro, cando un home que se atopaba no acceso dun local de lecer nocturno comezou a increpar aos axentes que pasaban pola zona.

Debido á súa actitude e ás faltas de respecto cara aos actuantes, solicitáronlle que se identificase, ao que se negou. Por iso, foi informado de que se lle ía a cursar unha denuncia administrativa pola súa conduta, momento no que arroxou a súa carteira contra a cara dun dos funcionarios, que logrou esquivala para acabar impactando no seu ombreiro.

Dado o aumento da súa agresividade, tiveron que proceder á súa redución, mostrando unha “gran resistencia activa” e convidando a berros ás demais persoas alí presentes a que se tornasen en contra dos axentes. Finalmente, B.S.A. de Vigo foi detido pola suposta comisión dun delito de Atentado e Desobediencia.