Un mozo de 18 anos, K.G.C., foi detido en Vigo na madrugada do pasado sábado tras golpear, dar puñadas e tirar ao chan á súa noiva, N.O. de 19 anos de idade.
Segundo informou a Policía Local, o suceso ocorreu sobre as 4,30 horas na rúa Arenal, cando os axentes foron alertados de que un home estaba a agredir a unha muller.
Unha vez no lugar, a Policía puido ver a unha muller tendida no chan e a un mozo sobre ela golpeándoa no peito e na cara, á vez que a zarandeaba contra o piso.
Os actuantes separaron ao home e identificaron á parella. Foi ela a que manifestou que o agresor era o seu noivo e que a golpeou por unha cuestión de ciumes. Desta maneira presentaba dores no peito, no pescozo e un rabuñazo na perna esquerda, polo que tivo que ser atendida polos servizos sanitarios. Por todo iso, o home foi detido pola presunta comisión dun delito de Violencia de Xénero.
