O primeiro premio da lotaría de ‘El Niño’, o número 41.665, dotado con 2.000.000 de euros por serie, esquivou Galicia, pero non o fixeron o segundo e terceiro premio, que caeron, moi repartidos, nas provincias da Coruña e Pontevedra.
O segundo premio, dotado con 750.000 euros por serie, foi para o número 44.469 e estivo moi repartido en todo o Estado e tamén na comunidade autónoma galega.
Vendeuse na Coruña, en dous puntos de venda, e tamén en Santiago, Fene, Neda, Camariñas e Arteixo, ademais de en a provincia de Pontevedra: en Vigo, Bueu e Nigrán, así como en Cangas do Morrazo.
Mentres, o terceiro premio foi para o número 19.467, dotado con 250.000 euros a serie. Neste caso, vendeuse na localidade coruñesa de Noia e no Porriño.
Precisamente no Porriño, situado na rúa Ramón González, está o establecemento onde se repartiu un ‘belisco’ do terceiro premio, o número 19.467, con 250.000 euros á serie. Foi un décimo, pero que supón, segundo Andrés Martínez, propietario do establecemento, volver dar a sorte despois de dar o primeiro e o terceiro premio en 2021 e con anterioridade outros anos.
Ademais de no Porriño, houbo outros dous estabelecimentos (en Fene e na Coruña) que repartiron tamén este ano, sorte.
