Polo menos corenta traballadores, a maior parte de empresas auxiliares, deron positivo nas probas de Covid, e outra trintena atópase pendente de resultados, tras detectarse un brote da infección no estaleiro vigués Freire.

Segundo confirmaron fontes sindicais, a maior parte de afectados son operarios de empresas auxiliares, que se atopaban no estaleiro traballando no proxecto 724, un megaIate de 111 metros de eslora.

Tanto os contaxiados como os seus contactos estreitos no ámbito laboral, que están pendentes dos resultados das probas (un trinta traballadores máis), foron illados. Ademais, están a facerse cribados en busca doutros posibles casos.

Fontes sindicais apuntaron que o mantemiento dos protocolos preventivos na bancada “é complicado”, porque a maior parte de traballos están a desenvolverse no interior do buque. “É como unha burbulla sen ventilación”, explicaron, e confirmaron que a empresa ten en vigor protocolos e normas de prevención, que agora se reforzarán, incluíndo a realización de probas PCR para poder acceder a traballar ao estaleiro a partir do luns.

Precisamente, na Comisión de Industria do Parlamento galego, o deputado socialista Martín Seco quixo mostrar o seu apoio aos traballadores do estaleiro vigués Freire.