As Forzas e Corpos de Seguridade buscan a un home de 65 anos, Eduardo Salgueiro Bicada, desaparecido en Vigo no pasado mes de agosto, segundo difundiu a asociación SOS Desaparecidos. A entidade comunicou a desaparición deste home, que foi visto por última vez o 1 de agosto pasado, e que mide 1,60 metros de altura, de complexión delgada, con pelo canoso, ollos castaños e con lentes graduadas.

Segundo confirmaron fontes policiais, os seus achegados presentaron denuncia pola súa desaparición o pasado 17 de novembro na Comisaría. O motivo de que a denuncia se formalizase tres meses despois é que a familia e o desaparecido non tiñan contacto frecuente, por tanto non se deron conta de que desaparecera ata mediados de novembro.