InicioEconomíaCC.OO., CIG e CUT ven "inaudito" que Caballero pida dimisións dos seus...

CC.OO., CIG e CUT ven “inaudito” que Caballero pida dimisións dos seus delegados “por facer o seu traballo”

A través dun comunicado remitido aos medios, os sindicatos cualificaron como un "feito inaudito" que o rexedor pida esas dimisións, precisamente cando o labor dos delegados sindicais "é a denuncia das irregularidades, neste caso sobre o manexo de contas públicas".

PUBLICADO O

- Advertisement -

Os sindicatos CC.OO., CIG e CUT saíron ao paso este venres das críticas do alcalde de Vigo, Abel Caballero, que pediu a dimisión dos seus delegados no servizo de bombeiros por presentar dúas denuncias “falsas” ante o Consello de Contas que foron finalmente arquivadas, e aos que acusou de ser “mentireiros” e “calumniadores”.

A través dun comunicado remitido aos medios, os sindicatos cualificaron como un “feito inaudito” que o rexedor pida esas dimisións, precisamente cando o labor dos delegados sindicais “é a denuncia das irregularidades, neste caso sobre o manexo de contas públicas”.

“Foi moi suave Abel Ramón. Soamente pediu a dimisión dos delegados sindicais. Non se atreveu a pedir a disolución ou prohibición dos sindicatos”, ironizaron desde estas centrais, que acusaron ao rexedor de pedir o cesamento de delegados sindicais mentres el “mantén no seu posto a concelleiros que levan anos desmantelando os servizos públicos”.

Con respecto ás denuncias arquivadas, CIG, CUT e CC.OO. precisaron que o Consello de Contas non nega que haxa irregularidades sobre o destino dos fondos de Unespa (que deberían ser investido na mellora do servizo de bombeiros) ou no pago das horas extras, senón que os feitos non foron acreditados suficientemente. “O propio informe xurídico do Consello de Contas di que haberá que investigar”, mantiveron os sindicatos.

Respecto diso, avanzaron que seguirán “denunciando estas presuntas irregularidades” e que están “a solicitar documentación” para “acreditar a veracidade das denuncias”.

ÚLTIMAS

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...

Stellantis Vigo inicia a produción en serie da nova versión das súas furgonetas compactas

Stellantis Vigo comezou a produción en serie da nova versión Smart Compact Van dos...

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...