A Xunta de Goberno local de Vigo aprobará este xoves o expediente de contratación e licitación das obras da segunda fase das ramplas de Gran Vía, que se instalarán entre as rúas Venezuela e Nicaragua, cun investimento de 4,23 millóns de euros (financiados con fondos europeos).

Así o avanzouo rexedor, Abel Caballero, quen explicou que este proxecto de ‘humanización’ contempla a instalación de dous tramos de ramplas eléctricas, un entre Venezuela e Bolivia e outro entre as rúas Bolivia e Nicaragua.

A actuación, que cobre unha lonxitude duns 150 metros, contempla tamén a renovación de pavimento, redes de saneamento e abastecemento, iluminación, ou a cubrición das propias ramplas, que contarán no seu interior cun “novo xardín botánico”.