Tres persoas resultaron feridas na tarde deste xoves ao chocar dous vehículos en Tameiga, no Camiño Costa de Faquiña, no municipio pontevedrés de Mos.

Segundo informou o CIAE 112 Galicia, o suceso tivo lugar minutos antes das 14,00 horas, cando un particular e os propios servizos de emerxencia avisaron do ocorrido.

Ante iso, os xestores do Centro Integrado de Atención ás Emerxencias de Galicia informou á Garda Civil de Tráfico, á Policía Local e aos Bombeiros do Porriño, así como ao Servizo Municipal de Protección Civil da localidade.

Finalmente, os membros de Protección Civil de Mos indicaron ao 112 que tres persoas implicadas no sinistro foron trasladadas ata os centros hospitalarios de referencia.