A CIG alerta de recortes docentes e clases en máis de 30 centros de Infantil e Primaria, xa que a Consellería de Educación “está a apertar o acelerador” para “elevar ao máximo o peche de aulas”. Nun comunicado, expón que a Xunta pecha centros completos no rural como o CEIP Baamonde (Begonte) e CEIP Piñeiro de Val (Mazaricos). Ademais, “preténdese agrupar a todo o alumnado de Primaria” –17 nenos de 1º a 6º– do CEIP Areouta, en Fisterra, o que tacha de “despropósito”.

Así mesmo, critica recortes de profesorado e aulas en: CEIP San Marcos (Abegondo), CEIP A Maía (Ames), EEI VIlarrodís (Arteixo), CEIP Praia Xardín (Boiro), CEIP Portofaro (Cambre), CEIP Sacra Familia (A Coruña), CEIP Salgado Torres (A Coruña), CEIP Isaac Díaz Pardo (Culleredo), CEIP Recimil (Ferrol), CEIP Areouta (Fisterra), CPI Pontecarreira (Frades), CEIP O Coto (Negreira), CEIP A.D.R. Castelao (Ordes).

Esa lista de recortes que denuncia segue con: CEIP Flavia (Padrón), CEIP Santa María (As Pontes), CEIP Serra de Outes (Outes), CEIP Deán Grande (Ribeira), CEIP Palmeira (Ribeira), CEIP A Igrexa-Calo (Teo), CEIP Princesa de España (Verín), CEIP Folla Respino (Vilamarín de Valdeorras), CEIP A Pedra (Bueu), EEI A Pastora (Cambados), CEIP Dr. Suárez (Fornelos de Montes), EEI N. Sra. do Carme (Marín), CEP Altamira (Salceda de Caselas), CEIP Nº 2 (Tui), CEIP Frián-Teis (Vigo).

“Máis aló dos peches”, avisa das necesidades dos diferentes centros, como os informes que apuntan a que un 10% dos nenos do colexio de Calo, en Teo, necesitan apoio específico. Por todo iso, o sindicato carga contra a “falta de sensibilidade” da Consellería de Educación cos servizos públicos nun novo curso en plena pandemia.