A morte dunha muller de 71 anos que permanecía ingresada no Complexo Hospitalario Universitario de Vigo (CHUVI) eleva as vítimas da pandemia en Galicia a 2.428.

A muller, que presentaba patoloxías previas, fora diagnosticada coa covid-19.

O presidente da Xunta, Alberto Núñez Feijóo, informou deste falecemento durante a súa comparecencia na rolda de prensa posterior á reunión do Comité Clínico.

Desta forma, o número de vítimas mortais contabilizadas na Comunidade galega desde o inicio da pandemia ascende a 2.428. A anterior foi confirmada o pasado luns.