O Servizo Galego de Saúde detectou novos positivos de Covid-19 en cribados realizados a semana pasada na cidade olívica, entre os que se detectaron 21 casos nun no centro de Vigo cun 8,9 por cento de participación.

Segundo informou a área Sanitaria de Vigo, no cribado convocado a semana pasada no centro de Vigo con 6.840 citados, detectáronse 21 positivos entre os 605 cidadáns cribados (8,9%).

Pola súa banda, detectouse un positivo no cribado levado a cabo no CEIP Javier Sensat con 240 persoas cribadas; e outro contaxio no realizado no IES Rosales con 439 test feitos. Mentres, o cribado con 687 participantes no Corte Inglés, deles 328 traballadores e 359 usuarios, saldouse sen ningún caso positivo, indicaron as mesmas fontes sanitarias.