InicioDetido un mozo Salvaterra do Miño tras roubar a unha muller de...

Detido un mozo Salvaterra do Miño tras roubar a unha muller de 71 anos

Os feitos sucederon no interior da vivenda da agredida, á que lle arrincaron as xoias que levaba postas.

PUBLICADO O

- Advertisement -

A Garda Civil detivo a un mozo de Salvaterra de Miño como suposto autor dun delito de roubo con violencia e intimidación no domicilio dunha veciña da localidade de 71 anos, á que subtraeu as xoias que levaba postas tras arrincarllas.

Segundo relatou o Instituto Armado, os feitos sucederon no interior da vivenda da agredida cando foi sorprendida por un home que a suxeitou por detrás e agarrouna do pescozo co fin de intimidala, arrincoulle as xoias que levaba postas, e na súa fuxida subtraeulle tamén dous reloxos que tiña nun moble da vivenda.

A vítima non sufriu lesións de gravidade, indicaron as mesmas fontes. O equipo de Policía Xudicial da Garda Civil de Tui iniciou unha investigación e practicou xestións, entre elas nas tendas de venda de xoias das localidades próximas, onde comprobaron que parte das xoias foran vendidas nun deses establecementos na localidade portuguesa de Mónçao.

Unha vez identificada a persoa que realizou a venda, púidose determinar que as características físicas se correspondían coas do autor, natural e veciño de Salvaterra de Miño, o cal posúe antecedentes por feitos similares.

Este individuo foi detido como presunto autor dun delito de roubo con violencia e entregado no Xulgado de Instrución número 2 de Ponteareas, xunto coas dilixencias instruídas.

ÚLTIMAS

A Plataforma fronte á Masificación Turística pide unha moratoria de licenzas para VUT

A Plataforma fronte á Masificación Turística de Vigo e O Morrazo dirixiuse por carta...

O PP de Vigo pide a Caballero que deixe as “ambigüidades” sobre a biblioteca de Teis

O grupo municipal do PP no Concello de Vigo esixiu ao alcalde, Abel Caballero,...

O BNG volve pedir a retirada do busto de Juan Carlos I da entrada do Concello de Vigo

O BNG de Vigo volveu a reclamar este luns a retirada "permanente e definitiva"...

Detido en Vigo por ameazar cun coitelo a outro home durante unha pelexa

Axentes da Policía Local de Vigo detiveron a un home de 25 anos de...