As estafas con cartóns de crédito creceron un 114% na provincia de Pontevedra durante os primeiros cinco meses do ano respecto ao mesmo período do ano anterior, segundo os datos da Subdelegación do Goberno.

A súa titular, Maica Larriba, fixo un chamamento a “extremar as precaucións” á hora de realizar compras a través de Internet, con motivo da celebración da xunta provincial de seguridade.

Do 1 de xaneiro ao 27 de maio, na provincia de Pontevedra, rexistrouse unha caída do 19% dos roubos en vivendas, do 60% en establecementos e do 47% doutros roubos con forza.

Pola contra, subiron os casos de malos tratos un 9,5% e os delitos contra a liberdade sexual. Durante os primeiros cinco meses de 2021 rexistráronse cinco agresións, fronte as tres denunciadas en 2020.